స్టార్ మా టీవీలో ప్రసారమవుతున్న సీరియల్ 'కృష్ణ ముకుంద మురారి'. ఈ సీరియల్ శుక్రవారం నాటి ఎపిసోడ్ -425 లో.... ముకుంద ఆసుపత్రిలో అటు ఇటు తిరుగుతూ ఆలోచిస్తూ ఉంటుంది. ఇంతలో శ్రీనివాస్ రావడంతో.. నాన్నా.. అంతా నేను చెప్పినట్లే చేశావా.. కృష్ణను అరెస్ట్ చేయించావా.. మురారీ ఎలా ఉన్నాడని అడుగుతుంది. నువ్వు చెప్పినట్లే చేయించానమ్మా అంటు శ్రీనివాస్ అబద్దం చెబుతాడు. కానీ మనసులో మాత్రం.. నువ్వు చెప్పినట్లే అరెస్ట్ చేయించాను కానీ కృష్ణని కాదు, మురారీని. నువ్వు ఖాళీ పేపర్ మీద సంతకం పెట్టి ఇస్తే.. నేను మురారీకి వ్యతిరేకంగా లేఖ రాశాను. రేపు నువ్వు స్టేషన్‌కి వెళ్లి చూసేసరికే మురారి లాకప్ డెత్ అయిపోయి ఉంటాడు. ఆ తర్వాత నువ్వు కాసేపు ఏడ్చి ఊరుకున్నా.. కనీసం అప్పుడైనా నీ జీవితం గురించి ఆలోచించడం మొదలుపెడతావ్.. నాకు ఆ నమ్మకం ఉందని శ్రీనివాస్ అనుకుంటాడు.

ఏంటి నాన్నా అలా ఉన్నారు.. ఏదైనా సమస్య ఉందా.. కృష్ణను మనకంటే ముందే మురారి విడిపించేస్తాడా‌‌ అని ముకుంద కంగారుగా అడుగుతుంది. లేదమ్మా.. హోమ్ మినిస్టర్ రికమెండేషన్‌ కాబట్టి ఆ ఛాన్స్ లేదు. నేను చూసుకుంటాను.. నువ్వు రెస్ట్ తీసుకోమ్మా అని శ్రీనివాస్ అంటాడు. లేదు నాన్న.. సాయంత్రంతో డాక్టర్ చెప్పిన రెండు రోజులు అయిపోతాయి. రేపు ఉదయాన్నే నేను వెళ్లి మురారీని కలుసుకుని.. కృష్ణను విడిపించేస్తే అయిపోతుంది.. ఇక ఆ తర్వాత అంతా నేను అనుకున్నట్లే జరుగుతుందని, ఈసారి మురారి నా సొంతం అయ్యేంత వరకు వదిలిపెట్టనంటుంది ముకుంద. మరోవైపు కృష్ణ లంచ్ పట్టుకుని స్టేషన్‌కి వచ్చేసరికి.. మురారి గారిని.. పైఅధికారులు వేరే స్టేషన్‌కి తరలించారు మేడమ్ అని అక్కడి పోలీసులు  చెప్తారు.. దాంతో కృష్ణ షాక్ అయిపోతుంది. అయ్యో ఎక్కడికి తీసుకెళ్లారంటు కృష్ణ అందరినీ ప్రాధేయపడుతుంది. ఎవ్వరు చెప్పరు. తెలియదంటారు. మరోవైపు అక్కడే ఉన్న మరో లేడీ కానిస్టేబుల్ కి దన్నం పెట్టి  రిక్వెస్ట్ చేస్తుంది. ఈ కేసులో పెద్దపెద్దవాళ్లంతా ఇన్వాల్వ్ అయ్యి ఉన్నారమ్మా.. నాకు కూడా నిజంగా తెలియదు ఎక్కడికి తీసుకెళ్లారో. కానీ తెలిస్తే కచ్చితంగా కాల్ చేసి చెబుతాను.. మీరు వెళ్లండి మేడమ్ అంటుంది ఆమె.

ఇక కృష్ణ ప్రతీ పోలీస్ స్టేషన్ చుట్టూ తిరుగుతుంది. అదంతా ఎమోషనల్ గా సాగుతుంది. ఇక శ్రీనివాస్ దగ్గరకు కృష్ణ వెళ్లి.. తన బాధను చెప్పుకుని ఏడుస్తుంది. ఏసీపీ సర్‌ని విడిపించండి బాబాయ్ అంటూ శ్రీనివాస్ ని కృష్ణ వేడుకుంటుంది. అది కాస్తా ముకుంద చెవిన పడటంతో ముకుందకు తన తండ్రి చేసిన మోసం తెలిసిపోతుంది. వెంటనే మురారి ఉన్న స్టేషన్‌కి వెళ్లిపోతుంది. అప్పటికే మురారీకి ఓపిక ఉండదు. అతడిని వదిలిపెట్టండి అంటు ముకుంద స్టేషన్‌లో గొడవ చేస్తుంది. అయితే పోలీసులు వినరు. వెంటనే ముకుంద ఎవరికో కాల్ చేసి మాట్లాడిస్తుంది. దాంతో పోలీసులు మురారీని విడిచిపెడతారు. కానిస్టేబుల్ మురారీని తీసుకుని వస్తుంటే.. ముకుంద కళ్లనిండా నీళ్లతో.. మురారీ పరిస్థితికి.. ఆవేదనగా చూస్తుంది. ఇక మురారి రాగానే సారీ అని ముకుంద అంటుంది. మీరెవరని మురారి  అంటాడు. నేనే ముకుందని అని అంటుంది ముకుంద. అది విని మురారి షాక్ అవుతాడు. నిజమేనా లేక అలా చెప్పినట్లు ముకుంద కల కనిందా.. తెలియాలంటే తర్వాతి ఎపిసోడ్ వరకు ఆగాల్సిందే.